Helge Lien Trio har etablert seg som ein av dei fremste jazzensembla i landet og kan visa til strøymingstal i millionklassen. Med Helge Lien på piano, Johannes Eick på bass og Knut Aalefjær på trommer, leverer dei rørande melodiar, lekne improvisasjonar og årvåkent samspel.

Sjølv om Bjørn Moe i hovudsak flyttar seg i landskapet pop og rock, har musikken hans element frå både jazz og world-music, noko som skaper ein ekstra spanande atmosfære for lyttarane. Det kjem ofte opp navn som David Bowie, Peter Gabriel og David Coverdale når ein leitar etter nokon å samanlikna vokalen hans med.

«HORDA sin musikk er som om Snarky Puppy og Pat Metheny bestemte seg for å spille inn en plate langt inne i en norsk fjord! Vi blander progressive elementer og jazzelementer, nordiske lydlandskap og moderne fusion i en historiefortellende, melodiøs og nærmest filmmusikalsk tilnærming.»

Med si særmerkte stemme, barytonsaksofon og eigne låtar står Anita Nordheim i front for eit band der moderne blues, soul, funky riff og jazzelement smeltar saman i eit kraftfullt og sjangeroverskridande uttrykk.